Førdefestivalen avlyser Bornas Verdsdag Førde

Experience through participation is the motto for Borna's World Day, as here at the accordion workshop with Ole Nilssen, where residents get to try out real accordions in different shapes. Photo: Arve Ullebø

Bornas Verdsdag Førde er eit årleg arrangement i regi av Førdefestivalen og Sunnfjord Kommune. Den opne familiedagen med verkstadar og aktivitetar vert arrangert ein laurdag i november, og skulle gått av stabelen 14. november i 2020. På grunn av regjeringa si strenge oppmoding til heile det norske folk om å halde seg mest mogleg heime i november, tenkte festivalen at det einaste rette var å utsetje Bornas Verdsdag til etter jul, nærare bestemt til februar.

Med den nye oppblomstringa vi har hatt av Covid-smitte i januar, og stadig strengare tiltak frå regjeringa, innser festivalen at det vil vere uråd å gjennomføre Bornas Verdsdag Førde etter planen. -Vi kan ikkje invitere til eit ope familiearrangement i Førdehuset slik smittesituasjonen er no, så vi avlyser 2020-versjonen av Bornas Verdsdag. Det er verkeleg trist å måtte avlyse, men vi kryssar fingrar og håpar at vi kan arrangere ein bortimot normalt familiefest ein laurdag i november, seier direktør i Førdefestivalen, Per Idar Almås.